SAMAIN un vezu de los nuesos antepasaos CELTES
Los nuestros antepasaos celtes, sólo estremaben ente dos estaciones: el branu y l'iviernu. Cuando llegaba la final d'ochobre festexaben el SAMAIN (que significa ‘el final del branu’) y representaba'l comienzu del iviernu. Acabábase'l tiempu y el final de les colleches y de magar esi día diben dar la bienvenía al Añu Nuevu.
Yera'l momentu del añu nel que los vieyos celtes guardaben los animales y les provisiones pa pasar el duru iviernu que daquella nun yeren como los d'agora. Dende esi día, los díes diben ser más curtios y les nueches más llargues. Los celtes creyíen que na nueche de Samhain (anguaño nueche de les ánimes), los espíritus de los muertos volvían al mundu de los vivos.
Al escurecer de cada 31 d'ochobre (yá 1 de payares pa los celtes, pues el nuevu día entamba cola puesta del sol), la costume yera dexar comía y llabionaes fuera de les sos cases y prender veles p'ayudar a les ánimes a topar el camín hacia la lluz y el descansu xunto al dios Sol (Belenos), nes Tierres del Branu.
Na Nueche de Samhain, los vivos y los muertos podíen comunicase. La muria que los separaben desapaecía naquel momentu máxicu. Lo bono yera que los espíritus de los antepasaos podíen aconseyar a los vivos al rodiu'l futuru, pero lo malo yera que tamién se convocaben a los espíritus malos. Poro, los druides mandaben prender fogueres pa espantar a éstos últimos.
Cola romanización de los pueblos celtes y la posterior evanxelización (col cristianismu esta vixilia pasó a nomase TOLOS SANTOS, n'inglés ALL HALLOW'L EVE), la relixón de los druides llegó a desapaecer, pero'l vieyu Samain sobrevivió al pasu del tiempu clateniendo gran parte del so espíritu y dalgunos de los sos ritos.
En pallabres del etnógrafu Alberto Álvarez Peña, quien tien recoyuío milenta lleendes al rodiu estes y otres cuestiones mitolóxicas, n'Asturies podemos nomalo la Nueche d’Ánimes o la viéspera de Tolos Santos.
Y n'Asturies, hasta va bien pocu, entovía se afuracaven navos o calabaces, atendiendo a los vieyos ritos de los nuesos antepasaos celtes. Yá sabeis qu'amás, la nuesa tierra ye un llugar máxicu y peles viesques y mates, fontes y caseríos, cases, pueblos, villes y ciudaes podemos alcontrar en delles ocasiones al añu a dalgunu de los personaxes de la MITOLOXÍA ASTURIANA.
Esta vuelta vamos a presentavos a unos seres mitolóxicos que según les lleendes, son les ánimes asturianes:
LA GÜESTIA (En Galicia Santa Compaña)
Ye un cortexu d'almes en pena, que porten güesos prendíos (como cirios) p'allumase y vistíos con sabanones blanques a mou de túnica. Esto difuntos van en procesión en pena, tamién con veles encendíes na mano anque la mayor parte de les veces son güesos humanos. Van caminando en doble fila onde'l que va abirendo'l cortexu fúnebre suel dir tocando en silenciu una campana.
Estes procesiones salen de los campusantos pa dir visitar a les persones prósimes a morrer, mientres caminen van tocando una campanina y cantando cantares.o suelen amarmullar cuando anda cerca de les güerto:
"cuando yéramos vivos, andábemos a figos, y agora que tamos muertos, andemos por estos güertos ¡andai, andai, hasta'l tueru la figar!"
Y cuando daquién despistáu se cruza con ella suel sentir en voz baxar:
"andai de día, que la nueche ye mia"
Pa evitar el peligru de que al pasear pela nueche por si t'atopes de frente cola güetia y pa que nun te lleve consigo, hai una serie de remedios, esti ye'l más famosu:
Métite dientro del círculu y nun mires nin salgas d'él hasta que la güestia pasara o colar como un tiru d'onde tán ellos.
L'oxetivu de la güestia ye llegar a la casa d'unu o una, arrodiala tres veces en completu silenciu y al terminar el ritual, echase a llorar amargamente, apagando les veles pa que l'enfermu muerra de penes y pase entós la so alma a engrosar les files de la güestia, apaeciendo darreú la so imaxe nel ataúd qu'antes portaben vacíu; la ronda suel durar siete noche nes que los vivos namá escuchen llamentos murnios.
Na web SER ASTURIANU, dirixida y espublizada pol mio amigu DENIS, atopamos un artículu editáu per él, bien interesante que vos convido a lleelu de siguío (calca na imaxe)
👉Como xera pal tercer ciclu, vamos a lleer esti artículu y vamos a facer un mural por caúna de les tradciones que depués podemos poner pelos pasillos del colexu.
La MITOLOXÍA ta vivo NA CULTURA DE ANGIAÑO
Amás de la tradición oral y la bayura de lleendes asitiaes per tola xeografía asturiana y recoyíes por Aurelio Llano, ente otros, la guestia NUN PASA DE LLARGU nel espaciu cultural asturianu AFTÁNDOSE Y CLATENIÉNDOSE dende tiempos ancestrales dando nome a negocios de tou tipu (comercios, chigres,....), y de bandes de gaites (como la de L.lena) y dientro la escena musical, bandes como SAMBRE, SPANTEA LA XENTE dedíque-y ún de los sos catares a esti personaxe mitolóxicu:
Pa baxar la calabaza o el nabu, calca na imaxe que más te preste. Pues afuracales coles tixories quitando los güeyos, les ñaples o la bocaon o pintar de mariello como si rellumara la lluz d'una vela.
Comentarios
Publicar un comentario