EL FUERU D'AVILÉS: PRIMERES LLETRES ASTURIANES

Ye'l primer testimoniu escritu que se caltién en llingua asturiana. Anguaño consérvase una copia de 1289 de la confirmación fecha por Alfonsu VII (nietu d'Alfonsu VI) en 1155.

El documentu sirvió pal esporpolle económicu d'Avilés convirtiéndola na primer ciudá del vieyu Reinu d'Asturies y ún de los principales puertos de la Europa atlántica de la época. Ye, tres la ratificación del fueru, que confier a la ciudá derechos tantu económicos, comerciales como políticos, cuando s'edifica la muralla. Col impulsu del so nuevu estatus, la ciudá convirtióse na segunda d'Asturies y el so puertu por cuenta de los favores comerciales nún de los más importantes del atlánticu européu.

A partir d’esa época yá hai un bon garrapiellu de documentos nel nuestru idioma: testamentos, contratos o llistaos de bienes.

Los fueros yeren testos xurídicos que valíen pa organizar la vida nes villes. Tres d’esti vinieron otros como El Fueru Xulgu y El Fueru d’Uviéu, escritos tamién n’asturianu y conservaos en forma de copies.